(နိုင်ငံတကာ) မေ ၂၉
NATO တပ်ဖွဲက ရုရုားအပေါ် နျူးကလီယားတိုက်ခိုက်မှုများ လုပ်ဆောင်ရန်ပြင်ဆင်နေဟုဆို
(နိုင်ငံတကာ) မေ ၂၉
NATO တပ်ဖွဲ့ဝင်နိုင်ငံများသည် ရုရှာနိုင်ငံအပေါ် နျူးကလီယားတိုက်ခိုက်မှုများ လုပ်ဆောင်ရန် ပြင်ဆင်နေကြောင်း ရုရှားထိပ်တန်းဗိုလ်ချုပ်ကြီးတစ်ဦးက အသိပေးထားသည်။
ရုရှားထောက်လှမ်းရေးတပ်ဖွဲ့ ဒုတိယညွှန်ကြားရေးမှူးနှင့် နယ်ခြားစောင့်တပ်ဖွဲ့ တပ်မှူး ဗလာဒီမာကူလီရှော့ က ၎င်းတို့တပ်ဖွဲ့အနေဖြင့်ရင်ဆိုင်ရန် ပြင်ဆင်မှုများလုပ်နေသည့် ခြိမ်းခြောက်မှုများနှင့်ပ တ်သက်၍ ယခုကဲ့သို့ ပြောဆိုခြင်း ဖြစ်သည်။
“NATO တပ်ဖွဲ့အနေနဲ့ ရုရှားနယ်စပ်မှာ ထောက်လှမ်းရေးလုပ်မှုတွေက မြင့်တက်လာပါတယ်။ သူတို့က စစ်ရေးလေ့ကျင့်မှုတွေကိုလည်း တိုးမြှင့်လုပ်ဆောင်နေပါတယ်။ အဲဒီလိုစစ်ရေးလေ့ကျင့်မှု တွေထဲမှာ ရုရှားနယ်မြေ အပေါ် နျူးကလီးယားတိုက်ခိုက်မှုများ လုပ်ဆောင်ရန်ပြင်ဆင်နေမှုများလည်း ပါဝင်နေပါတယ်” ဟု ၎င်းက မေလ ၂၈ ရက်တွင် ပြောသည်။
NATO တပ်ဖွဲ့က နျူကလီးယားလက်နက်ပိုင်ဆိုင်မှုမရှိသော နိုင်ငံများ၌ နျူကလီးယားလက်နက်များ သိုလှောင်သိမ်းဆည်းထားမှုအပေါ် ရုရှားကပြင်းထန်စွာ ဝေဖန်ထားပြီးဖြစ်သည်။ ထို့ပြင် စစ်ရေးလေ့ကျင့်ခန်းများ လုပ်ဆောင်ရာတွင် နျူကလီးယားလက်နက်များကို မည်ကဲ့သို့ဖြန့်ကြက်အသုံးမည်နှင့် လေ့ကျင့်ခန်း၌ အိမ်ရှင်နိုင်ငံများက ပါဝင်ခြင်းမရှိမှုအပေါ် ရုရှားနိုင်ငံက စိုးရိမ် နေခြင်းဖြစ်သည်။
အလားတူ အမေရိကန်ဦးဆောင်သော NATO တပ်ဖွဲ့၏ လှုပ်ရှားမှုများသည် ရုရှားနိုင်ငံကို တိုက်ရိုက်ဦးတည်နေသည်ဟု ရုရှားနိုင်ငံခြားရေးဝန်ကြီးဌာနမှ တာဝန်ရှိသူတစ်ဦးက ၂၀၂၂ ခုနှစ်၊ ဇန်နဝါရီလ ကတည်းက သတိပေးထားသည်။
ယခုအခါ ရုရှားသမ္မတ ဗလာဒီမာပူတင် က မဟာဗျူဟာမြောက်မဟုတ်သော နျူကလီးယားလက်နက်များ၏ စွမ်းရည်ကို သိရှိနိုင်စေရေးအတွက် စမ်းသပ်မှုများလုပ်ဆောင်ရန် ညွှန်ကြားထားသည်။
Telegram>>…
https://t.me/positiveanglenews