ဇန်နဝါရီလ ၁၁
၂၀၂၄ ခုနှစ်၊ ဇန်နဝါရီလအတွင်း ပထမဦးဆုံးအကြိမ်အဖြစ် တောင်ကိုရီးယားနိုင်ငံသို့ မြန်မာလုပ်သား ၁၅၁ ဦး ကို စေလွှတ်ခဲ့တယ်လို့ ဆိုးလ်မြို့ရှိ မြန်မာသံရုံးက ဇန်နဝါရီလ ၁၀ ရက်မှာ ထုတ်ပြန်ပါတယ်။
ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီ POEA ကတစ်ဆင့် EPS စနစ်နဲ့ စေလွှတ် လိုက်တဲ့ ကုန်ထုတ်လုပ်သားသစ် ၁၅၁ ဦးဟာ ဇန်နဝါရီ ၁၀ ရက်မှာ ရန်ကုန်မြို့ကနေ အင်ချွန်းအပြည်ပြည်ဆိုင်ရာ လေဆိပ်သို့ ရောက်ရှိခဲ့တယ်လို့ သံရုံးကထုတ်ပြန်ထားပါတယ်။
လုပ်သားတွေကို ဆိုးလ်မြို့ရှိ မြန်မာသံရုံးမှ အလုပ်သမားသံအရာရှိက ကြိုဆိုခဲ့ပြီး အလုပ်သမားများ သိရှိ လိုက်နာသင့်တဲ့ အချက်တွေကိုမှာကြားကာ လိုအပ်တာတွေ ကူညီပံ့ပိုးပေးခဲ့တယ်လို့ သိရပါတယ်။
လက်ရှိအချိန်ထိ တောင်ကိုရီးယားနိုင်ငံမှာ မြန်မာလုပ်သား ၅၀,၀၀၀ ကျော် ရောက်ရှိလုပ်ကိုင်နေတယ်လို့ ကိုရီးယားရောက် မြန်မာလုပ်သားများထံမှ သိရပြီး POEA ကနေတစ်ဆင့် EPS စနစ်နဲ့ လစဉ် လုပ်သားစေလွှတ်မှု ရှိတယ်လို့ သိရပါတယ်။
#PAN
Telegram link
https://t.me/positiveanglenews
