ဇူလိုင် ၂၅
ယနေ့ နံနက် ၆ နာရီ ၄၅ မိနစ်အချိန်ခန့်တွင်မကွေးတိုင်းဒေသကြီး၊ ချောက်မြို့၊ ပြန်ကြားရေးနှင့် ပြည်သူ့ဆက်ဆံရေးရုံးလမ်းထောင့်တွင် အကြမ်းဖက်သောင်းကျန်းသူ PDF များထောင် ထားသော ဗုံးတစ်လုံးတွေ့ရှိရ၍ နယ်မြေခံလုံခြုံ ရေးတပ်ဖွဲ့ဝင်များက သေနတ်ဖြင့်သုံးချက်ပစ်ဖောက်ဖျက်စီးခဲ့ရာ ပြည်ထောင်စုကြံခိုင်ရေးနှင့်ဖွံဖြိုးရေးရုံးရှေ့ တမာပင်အနီး မြှုပ်ထားသော ဗုံးတစ်လုံးပါပေါက်ကွဲခဲ့ကြောင်း သိရပါသည်။
ထိုသို့ ပေါက်ကွဲမှုကြောင့် ၄င်းအနီး လုံခြုံရေးတာဝန်ထမ်းဆောင်နေသော တပ်မတော်သား တစ်ဦး လည်ပင်းထိခိုက်ဒဏ်ရာ(မစိုးရိမ်)နှင့် ရဲစခန်းမှူး အနည်းငယ်ထိခိုက်(မစိုးရိမ်ရ)ဒဏ်ရာရရှိခဲ့ကြောင်း သိရပါသည်။
သတင်းအရ ဆက်လက်ရှာဖွေစစ်ဆေးမှုများပြုလုပ်ခဲ့ရာ ယနေ့ ညနေ ၃ နာရီ ၂၅ မိနစ်အချိန်ခန့်တွင် မြို့နယ်ပြည်ခိုင်ဖြိုးရုံးအနီးရှိ ဆိုင်ကယ်ပြင်ဆိုင်အတွင်းမှ ဗုံးတစ်လုံးထပ်မံတွေ့ရှိခဲ့ရာ ညနေ ၅ နာရီ ၄ မိနစ်အချိန်တွင် ဖော်ထုတ်ရှင်းလင်းဖျက်စီးခဲ့ကြောင်းသတင်းရရှိသည်။
#PAN