ဇူလိုင် ၂၃
နေပြည်တော်၊ဒက္ခိဏသီရိမြို့နယ်၊ရွှေခဲအင်း ကျေးရွာ အုပ်စု၊ ကျောက်ခဲအင်းကျေးရွာနေသူ နှစ်ဦးဖြစ်ကြသည့် စန်းဦး၊ ၄၉ နှစ်၊(ဘ)ဦးတင်အောင်နှင့် ၎င်း၏ဇနီး ဒေါ်အူဝဲ၊ ၄၅ နှစ်၊(ဘ) ဦးဖိုးဆယ် တို့ လင်မယား နှစ်ဦး စကားများရန်ဖြစ်ရာမှ လူသတ် မှုဖြစ်ပွားခဲ့ကြောင်း သိရပါသည်။
ဖြစ်စဥ်မှာ ယမန်နေ့ ည ၉ နာရီအချိန်ခန့်တွင် ခင်ပွန်းဖြစ်သူ စန်းဦးနှင့် ဇနီးဖြစ်သူ ဒေါ်အူဝဲ နိုသည် နေအိမ်၌ လင်မယားနှစ်ဦး အရက်အတူတူ သောက် စားခဲ့ကြပြီး အချင်းချင်းစကားများရန် ဖြစ်ရာ ဦးစန်းဦးမှ ဒေါ်အူဝဲအား နေအိမ်အတွင်းရှိ လုံးပတ် ၄ လက်မ ပတ်လည်ခန့်ရှိ သစ်သားအိမ်တိုင်နှင့် ဒေါ်အူဝဲ၏ ဦးခေါင်းအား ကိုင်ဆောင့်ရိုက်နှက်ခဲ့ကြောင်း၊ ထိုသို့ တိုင်နှင့်ရိုက်နှက်မှုကြောင့် ဒေါ်အူဝဲ၏ ဦးခေါင်းယာဘက်ခြမ်းပေါက်ပြဲဒဏ်ရာ၊ မျက်နှာညိုမဲဖူးယောင်ဒဏ်ရာ တို့ဖြင့် နေအိမ်ကြမ်းပြင်၌ လဲကျသေဆုံးခဲ့ကြောင်း သိရပါသည်။
ဖြစ်စဉ်နှင့်ပတ်သက်၍ ယနေ့ မွန်းလွဲ ၁၂ နာရီခွဲအချိန်တွင် တရားခံ ဦးစန်းဦးအပေါ် ဒက္ခိဏသီရိမြို့မ ရဲစခန်းမှ (ပ)သတင်းချက်အမှတ် ၃၁/ ၂၀၂၃၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်အရေးယူ ဆောင်ရွက်ထားကြောင်း သတင်းရရှိပါသည်။
#PAN