မေ ၂၃
ယမန်နေ့ ညနေ ၃နာရီခွဲအချိန်ခန့်တွင် စစ်ကိုင်းတိုင်းဒေသကြီး၊ မုံရွာမြို့၊ဘုရားကြီးရပ်ကွက်၊ ပွဲစားတန်းလမ်းရှိ ငွေဇာလိူင်းစတိုးဆိုင်ပိုင်ရှင် ဒေါ်အေးခိုင်၊ ၅၂ နှစ်၊(ဘ)ဦးထည် သည်ဆိုင်ဝန်ထမ်းများဖြစ်ကြသော မနွယ်နွယ်၊မမီးမီး၊မကစ်ကစ်၊မနန်းနန်းတို့နှင့်အတူ စျေးဆိုင်တွင်ရှိနေစဥ်အသက်၂၀ ခန့်ရှိသောအမျိုးသား၂ ဦးနှင့်အမျိုးသမီး၂ ဦးတို့ ဓားပြတိုက်ခဲ့ကြောင်း သိရှိရပါသည်။
အဆိုပါ အမျိုးသား၂ ဦးနှင့်အမျိုးသမီး၂ ဦးတို့သည် ငွေဇာလိူင်းစတိုးဆိုင်သို့ ဆိုင်ကယ်နှစ်စီးဖြင့်ရောက်ရှိလာပြီး ဆိုင်အတွင်းဝင်ရောက်ခါအသင့်ပါလာသောဓားတိုတစ်ချောင်း၊အဝတ်ဖြင့်ပတ်ထားသောသေနတ်အရှည်တစ်လက်ကိုင်ဆောင်၍ဝင်ရောက်ကာ ဆိုင်အတွင်းရှိဆိုင်ရှင်နှင့်ဝန်ထမ်းများအားမှောက်ခိုင်းထားပြီး ကောင်တာအတွင်းရှိအံဆွဲတွင် ထည့်ထားသောငွေ ၈သိန်းကျော်နှင့် ဖုန်း ၃ လုံးတို့ကို ယူဆောင်သွားကာ ဆိုင်ကယ်ဖြင့် ပွဲစားတန်းလမ်းမှတဆင့် ကမ်းနားလမ်းဘက်သို့ မောင်းနှင်ထွက်ခွာသွားကြကြောင်းသတင်းရရှိပါသည်။
”ဓားပြတိုက်သွားတဲ့သူတွေက PDF တွေပါဘဲ၊ အလှူခံတာမရလို့လားမသိဘူး ဓားပြတိုက် သွားတဲ့သဘောလို့ သိရပါတယ်”ဟု အဆိုပါရပ် ကွက်နေပြည်သူများထံမှ သိရပါသည်။
ဖြစ်စဥ်နှင့်ပတ်သက်၍ ပြစ်မူကျူးလွန်သူတရားခံများကို ဖမ်းဆီးရမိရေးအတွက် မြို့နယ်ရဲတပ်ဖွဲ့က လှည့်ကင်းများနှင့်ချိတ်ဆက်ပြီးလိုက်လံစုံစမ်းရှာဖွေလျှက်ရှိကြောင်းနှင့် အမူဖွင့်လှစ်နိုင်ရေးစီစဥ်လျှက်ရှိကြောင်းသိရှိရပါသည်။
PAN
PAN
