မေ ၂၅
မေလ ၂၃ ရက်နေ့ ညနေနာရီခွဲအချိန်ခန့်တွင် ဘားအံမြို့ လုံခြုံရေးပူးပေါင်းအဖွဲ့သည် မူးယစ်ဆေးဝါးသတင်းအရ သက်သေများနှင့်အတူ ဘားအံမြို့၊ ကော့မူးရာကျေးရွာအုပ်စု၊ ဝါးဆူးကျေး ရွာနေ လွန်းစိန်(ခ)ဖူးဖူး၊ ၅၃ နှစ်၊ (ဘ)ဦးကျော်အေး၊ကျဘမ်းလုပ်၏နေအိမ်ကို လျှပ်တပြက်
ဝင်ရောက်ရှာဖွေစစ်ဆေးခဲ့ရာ လွန်းစိန်(ခ)ဖူးဖူး နှင့် နေလင်းထိုက် (ခ)ပြောင်ကြီး၊၃၇ နှစ်၊(ဘ)ဦးစိုးမြင့်၊ကျဘမ်းလုပ်သူတို့ ၂ ဦးကို နေအိမ်အတွင်းတွေ့ရှိခဲ့ပြီး ၎င်းတို့၏ခန္ဓာကိုယ်နှင့် နေအိမ်အတွင်း ရှာဖွေခဲ့ရာ လွန်းစိန်(ခ)ဖူးဖူးလွယ်ထားသည့် အနီရောင်ဘေးလွယ်အိတ်အတွင်းမှ WY စာတန်းပါ စိတ်ကြွရူး သွပ်ဆေးပြား ၃၈ ပြား (ကာလတန်ဖိုးဆေးပြား ၁ ပြားလျှင် ၃၀၀၀ ကျပ်နှုန်းဖြင့်) ၁၁၄,၀၀၀ ကျပ်ခန့်အားတွေ့ရှိခဲ့ရပြီး ဆက်လက်ရှာဖွေခဲ့ရာနေအိမ်ခြေရင်းဘက်ရှိ အလုပ်ရုံ/ဂိုထောင်တဲအတွင်းမှ အကြမ်းဖက်လုပ်ငန်းများလုပ်ဆောင်ရာတွင်အသုံးပြုသည့် လက်လုပ်မိုင်းများနှင့် ဖောက်ခွဲ ရေးဆက်စပ်ပစ္စည်းများအား ရှာဖွေတွေ့ရှိသိမ်း ဆည်းရမိခဲ့ပါသည်။
အဆိုပါ ရှာဖွေသိမ်းဆည်းရမိသော လက်လုပ်မိုင်းများနှင့် ဖောက်ခွဲ ရေးဆက်စပ်ပစ္စည်းများမှာ-
(က) KNU/KNLA(PC)ဘက်တံဆိပ်ပြာပြောက် ကျားအင်္ကျီ(၁)ထည်၊ ဘောင်းဘီ ၂ ထည်။
( ခ ) စစ်စိမ်းရောင် ကျောပိုးအိတ် ၁ လုံး၊ပြောက် ကျားကျောပိုးအိတ် ၁ လုံး။
( ဂ ) အချင်း ၄.၅ လက်မ အရှည် ၆ လက်မခန့်ရှိ ကွန်ကျူးပိုက်ဖြင့်ပြုလုပ်ထားသော လက်လုပ်မိုင်း ၂ လုံး။
(ဃ) အချင်း ၄.၅ လက်မ အရှည် ၇.၅ လက်မခန့်ရှိ ကွန်ကျူးပိုက်ဖြင့်ပြုလုပ်ထားသောလက်လုပ်မိုင်း ၁ လုံး။
( င ) အချင်း ၄.၅ လက်မ အရှည် ၁၀ လက်မခန့်ရှိ ကွန်ကျူးပိုက်ဖြင့်ပြုလုပ်ထားသော လက်လုပ်မိုင်း ၁ လုံး။
( စ ) အချင်း ၄.၅ လက်မ အရှည် ၆.၅ လက်မခန့်ရှိ အင်ဂျင်ဝိုင်ထည့်သည့်ဗူးခွံဖြင့် ပြုလုပ်ထားသော လက်လုပ်မိုင်း ၁ လုံး။
(ဆ) အချင်း ၄.၅ လက်မ အရှည် ၆.၅ လက်မခန့်ရှိ သံကိုယ်ထည်ဖြင့်ပြုလုပ်ထားသော လက်လုပ်မိုင်း ၁ လုံး။
( ဇ ) အချင်း ၃.၅ လက်မ အရှည် ၅.၅ လက်မခန့်ရှိ သံကိုယ်ထည်ဖြင့်ပြုလုပ်ထားသော လက်လုပ်မိုင်း ၁ လုံး။
( ဈ ) အချင်း ၃ လက်မ အရှည် ၇.၅ လက်မခန့်ရှိအင်ဂျင်ဝိုင်ထည့်သည့်ဗူးခွံဖြင့် ပြုလုပ်ထားသော လက်လုပ်မိုင်း ၁ လုံး။
(ည) အချင်း ၂ လက်မ အရှည် ၂ လက်မခန့်ရှိ ကွန်ကျူးပိုက်ဖြင့်ပြုလုပ်ထားသော လက်လုပ်မိုင်း ၇ လုံး။
( ဌ ) Beer Chanဗူးခွံ(အတို)ဖြင့်ပြုလုပ်ထားသော လက်လုပ်မိုင်း ၁ လုံး။
( ဍ ) အချင်း ၂ လက်မ အရှည် ၅ လက်မခန့်ရှိ ကွန်ကျူးပိုက်ဖြင့်ပြုလုပ်ထားသော လက်လုပ်မိုင်း ၁ လုံး။
( ဎ ) ၁ လက်မပတ်လည်ရှိ ဗျောက်အိုးမိုင်း ၁၀ လုံး။
(ဏ) အချင်း ၆ လက်မ အရှည် ၁၂ လက်မခန့်ရှိ သံကိုယ်ထည်ဖြင့်ပြုလုပ်ထားသော လက်လုပ်မိုင်း ၁ လုံး။
(တ) ထိုင်းနိုင်ငံထုတ် ၅.၅၆ ကျည် ၈ တောင့်။
(ထ) ပွိုင့် ၄၅ ကျည် ၁ တောင့်။
( ဒ ) ပွိုင့် ၃၈ ကျည် ၁ တောင့်။
( ဓ ) အရှည် ၁ လက်မခန့်ရှိ Alkaline ဓာတ်ခဲအသေး ၃ လုံး။
( န ) Power တံဆိပ် ဓာတ်ခဲအသေး ၉ လုံး။
( ပ ) အရှည် ၂ လက်မခန့်ရှိ တံဆိပ်မပါ ဓာတ်ဆဲအစိမ်းရောင် ၁ လုံး။
( ဖ ) ဖားပါးစပ် ဓာတ်ခဲအားသွင်းခုံ ၁ ခု။
( ဗ ) Redmi တံဆိပ်ပါ(အပြာရောင်)ဖုန်း ၁ လုံး။
(ဘ) Hello တံဆိပ်ပါ အနက်ရောင် ကီးပက်ဖုန်း ၁ လုံး။
( မ ) Samsung တံဆိပ်ပါ အဖြူရောင်ကီးပက်ဖုန်း ၁ လုံး။
(ယ) တံဆိပ်မပါ အနက်ရောင်ကီးပက်ဖုန်း ၁ လုံး။
( ရ ) Digital Remote Controller အဖြူရောင် ရီမုကွန်ထရိုး ၃ လုံး။
(လ) အရှည် ၂ လက်မခန့်ရှိ LED မီးချောင်း ၁ ချောင်း။
( ဝ ) တိတ်ဖြင့်ပတ်ထားသော အနီရောင် တံဆိပ်မပါ နာရီဓာတ်ခဲ ၂ လုံး။
(သ) Best တံဆိပ်ပါ ဖုန်းဘက်ထရီ ၂ လုံး။
(ဟ) ဝါယာကြိုးများတပ်လျက် ဆားကစ်ပြား ၇ ခု။
( ဠ ) ဝါယာကြိုးခွေအလွတ် ၂ ခွေ။
(အ) အချင်း ၁.၅ လက်မ၊ အရှည် ၁၄ လက်မရှိ သံပိုက်(၁)ချောင်းနှင့်၊ အချင်း ၂ လက်မ၊ အရှည် ၁၄ လက်မရှိ သံပိုက် ၁ ချောင်းတို့အားအောက် ခြေတွင် သံပြားပိတ်တွဲလျက်(ရှေ့တိုက်ဒုံးပစ်ခတ်ရသောပုံစံ) ၃ တွဲ။
( – ) အချင်း ၂ လက်မ၊ အရှည် ၁၄ လက်မရှိ သံပိုက် ၂ ချောင်းနှင့် အချင်း ၁.၅ လက်မ၊အရှည် ၁၄ လက်မရှိ သံပိုက်(၂)ချောင်းတို့အား အောက် ခြေတွင် သံပြားပိတ်တွဲလျက်(ရှေ့တိုက်ဒုံးပစ်ခတ်ရသောပုံစံ) ၁ တွဲ။
( – ) ယမ်းစိမ်းအခဲများထည့်လျက်အချင်း ၈ လက်မ၊ အမြင့် ၉ လက်မရှိ သံပုံး ၁ လုံး။
( – ) ထိုင်းနိုင်ငံထုတ် အနက်ရောင်အီကွေးမင့် ခါး ပတ်ကြီး ၁ ခု။
( – ) ခရာကြိုးအနီရောင် ခရာမပါ ၁ ချောင်း။
( – ) NLD တံဆိပ်ပါ အနီရောင် နှာခေါင်းစည်း ၁ ခု။
( – ) 2020 Vote NLD တံဆိပ်ပါ အနီရောင်တီရှပ်အင်္ကျီ ၁ ထည်။
( – ) TOP တံဆိပ်ပါ ဘယ်ရီဂတ်ဦးထုပ် အနက်ရောင် ၁ လုံး။
( – ) ဓာတ်ခဲအသေး ၈ လုံးဆန့် အားသွင်းခုံ ၁ ခု။
( – ) ၅/၉ အိတ်ဖြင့်ထည့်ထားသော ကန့်မှုန့်ဟု ယူဆရသော အနက်ရောင်အမှုန့် ၁၀ကျပ်သားခန့် ၁ ထုပ်။
( – ) ကြွပ်ကြွပ်အိတ်အနက်ရောင်ဖြင့်ထည့်ထားသော ၁၀ ကျပ်သားခန့်ရှိ ခဲအပိုင်းအ
စများ ၁ ထုပ်။
( – ) အနွေးထည်အင်္ကျီ(အနက်ရောင်) ၁ ထည်။
( – ) NLD ရင်ထိုးတံဆိပ် ၁ ခုတို့ဖြစ်ကြပါသည်။
ဖြစ်စဉ်နှင့်ပတ်သက်၍ တရားခံ လွန်းစိန်(ခ)ဖူးဖူး နှင့် နေလင်းထိုက်(ခ)ပြောင်ကြီး တို့ ၂ ဦးကိုလိုအပ်သောစစ်ဆေးမေးမြန်းမှုများ ပြုလုပ်လျက်ရှိပြီး ဆက်စပ်တရားခံများဖမ်းဆီးရမိရေးနှင့် ၎င်းတို့နှစ်ကို တရားဥပဒေဖြင့် အမှုဖွင့်အရေးယူနိုင်ရေး ဆက်လက်ဆောင်ရွက်လျှက်ရှိကြောင်း သတင်းရရှိပါသည်။