မေ ၂၂
ယနေ့ နံနက် ၁၀ နာရီ ၁၅ မီးနစ်အချိန်ခန့်တွင် ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း) မြို့နယ်၊ (၈၈)ရပ်ကွက်၊အုပ်ချုပ်ရေးမှူး ဇော်လွင်(ခ)ဘိုတောက်၊ ၅၁ နှစ်၊(ဘ)ဦးလှမြင့်၊ ဇင်ကိုပိုင်၊၂၂ နှစ်၊(ဘ)ဦးကြည်ရွှေ(သစ်စက်လုပ်သား )၊ လှထွန်း(ခ)ကုလားလေး၊ ၁၉ နှစ်(ကျပန်း၊ အချက်အလက်စိစစ်ဆဲ) ပါ ၇ ဦးတို့သည် ဆိုင်ကယ် ၄ စီးဖြင့် ခိုင်ရွှေဝါလမ်းရှိ ဘုန်းကြီးကျောင်းမှ ပြန်လည်ထွက်ခွာလာစဉ် ငွေဇင်ယော်လမ်း (မိဘမေတ္တာဆေးဆိုင်ရှေ့) အရောက်၌ ဘေးတွဲဆိုင်ကယ်ဖြင့် လူသတ်အကြမ်းဖက် PDF ၅ ဦးခန့်(စိစစ်ဆဲ)အနက် ၃ ဦးက သေနတ်ဖြင့် ပစ်ခတ်သတ်ဖြတ်ခဲ့ပါသည်။
ထိုသို့ ပစ်ခတ်မှုကြောင့် ရပ်ကွက်အုပ်ချုပ်ရေးမှူး ဦးဇော်လွင်(ခ) ဘိုတောက်၌ ဝဲလက်ပြင် ထိမှန်ဒဏ်ရာ ၁ ချက်၊ယာလက်မောင်းထိမှန် ဒဏ်ရာ ၁ ချက်၊ ဝဲဒူး ထိမှန်ဒဏ်ရာ ၁ ချက်၊ ဝဲခြေဖမိုး ထိမှန်ဒဏ်ရာ ၁ ချက်(စိုးရိမ်ရ)၊ ဇင်ကိုပိုင် ၌ ဝမ်း ဗိုက် ထိမှန်ဒဏ်ရာ ၁ ချက်၊ ဝဲ/ယာလက်မောင်း ထိမှန်ဒဏ်ရာ(စိုးရိမ်ရ/စိစစ်ဆဲ)နှင့် လှထွန်း(ခ) ကုလားလေး ၌ ဝဲ/ယာလက်မောင်း ထိမှန်ဒဏ်ရာ(စိုးရိမ်ရ/စိစစ်ဆဲ)တို့ ထိမှန်ခဲ့ကြောင်းနှင့် ပစ်ခတ်မှု ဖြစ်ပွားသည့်နေရာမှ 9MM LUGER ကျည်ခွံ ၁၈ ခုကို တွေ့ရှိခဲ့ရကြောင်း သတင်းရရှိပါသည်။